Xайртай түүнээс холдоод
Газар усны холд ирсэн чинь
Ганцхан чамд хайртай гэдэг үгсээ, бас сэтгэлээ
Гээсэн байх юм...
Хайр гэдэг чинь ийм юмуу
Харин ганц миний сэтгэл ийм юмуу?

Чи бидний амьдрал
Хэзээ ч нийлэхгүй
Чамд нийцэх цэвэрхэн орчныг
Би бүрдүүлж чадахгүй
Чиний хоолны өндөр тестийг
Би амталж хийж чадахгүй
Чиний үнэтэй хувцсыг
Би угааж арчилж чадахгүй
Чиний яриа хөөрөнд
Харин би нийцэж чадна
Чиний хүссэн ташаалыг
Харин би өгч чадна
Чиний хүсдэг эмэгтэй шиг
Харин би өөрийгөө авч явж чадна
Чадахгүй гэж хэлэхдээ би
Чадваргүйдээ тэгж байгаан биш
Чиний нүдийг харж
Чиний тестийг дагаж
Буруудчих вий гэхээс айж
Хаягдчих вий гэхээс эмээж
Хайран насаараа
Чамд таалагдах гэж
Хичээж амьдарч
Чадахгүйдээ тэгж байгаан
Харин чи үүнийг минь зөвшөөрч байвал
Тэнэглээд ч гэсэн ир
Тэгээд хэрхэхийг минь хар

Хэнтэй ч хуваалцаж чадахгүй
Нууц гэж байхын
Хэзээ гийхийг нь мэдэхгүй
Бүрхэг тэнгэр шиг
Хэн нэгний тухай бодсон
Миний сэтгэл нэг л хөндий
Гараад хүнтэй ярья
Болохгүй тэд цааш нь ярина
Галын хэдэн эгчтэйгээ ярья
Болохгүй тэд эсэргүйцэнэ
Гайгүй хэдэн найздаа ярья
Болохгүй тэд чинь юм мэдэхгүй чамтай адил
Ганцаараа боддоо....
Гарсан шийдвэр чинь
Ганцхан чиний хэт учраас

Ааш зантай сайтай түүний
Сэтгэлд татагдана
Ааль хөөрхөн царайтай түүний
Өнгөнд татагдана
Бэлэг сэлт өгдөг түүний
Мөнгөнд татагдана
Бэлгийн ажилд сайн түүний
Сексд татагдана
Хоол хийхдээ гарамгай түүний
Ажилсагт нь татагдана
Халамж энхрийлэл ихтэй түүний
Хайранд нь татагдана

Утасны дуу
Уйтгар гунигийг минь сэргээх шиг...

Харанхуй өрөөнд лаа асаагаад
Хатуу юм ууж суух би дуртай
Гартаа тамхи бариад
Ганцхан чамайг бодож суух би дуртай

Танхимд заах хичээлийг үл ойшоож
Тохоо нийлүүлэн суух найзтайгаа хамтран
Танихгүй дугаарт мессэж явуулахаар болов
Сайн байн уу...
Хэдэн өдрийн дараа миний утас дугарав
Хэнийг нь мэдэхгүй илгээсэн мессэжний эзэн
Хэн бэ гээд над руу залгаж байна
Хэн гэж хэлэхээ мэдэхгүй бантсан би утсаа таслав.
Дараагийн өдөр дахиан дуудлага ирэв
Утсаа авав... ярилаа
Хэдэн сар үргэлжилсэн ярианы дараа
Утасны цаадах танилын дууг би үгүйлдэг болов
Уулзаж харах юмсан гэж боддог болов
Үзвээс муухай хүн байвал яаанаа гэж бас айдаг болов

Намайг чамтай уулзлаа гээд
Намрын навчис унахаа болихгүй
Намайг чамтай уулзлаа гээд
Намайг биш хүнийг гэх чиний сэтгэл өөрчлөгдөхгүй
Гэтэл би тэнэг юм шиг
Гэгэлзэн сууж утасдахыг нь хүлээнэ
Гэнэт дуудлага ирвэл баярлаж
Гэр гадаах бүх ажлыг хойшлуулна
Уулзах гэж өдөржин хүлээсэндээ
Ухаангүй яаран гэрээс гарна
Унаанд суух зуураа
Уулзаад хэлэх үгсээ бодно
Чимээгүйн дунд зөөлөн ая эгшиглэсэн өрөөнд
Чи бид хоёр уулзана
Чамайг хичнээн санаснаа
Чихэнд чинь шивнэж инээмсэглэнэ
Халуун цай, хоолны дараа
Хайлан хүлээсэн уулзалт минь өндөрлөнө
Маргааш ингэж уулзах эсэхийг
Би мэдэхгүй нь
Магад ийм уулзалтыг хүлээсээр
Миний амьдрал өнгөрөхийг бас мэдэхгүй нь

Ганцхан чамайг хайрлаж чадах
Гайтай энэ сэтгэлийг би
Гаргаж хаяад
Ганцхан дэргэд минь байгаа түүнийгээ хайрлах юмсан

Хэзээд би сайхнаараа явна
Хэн ч харсан би таалагдахаар
Нүүрээ өөгүй будна
Нүдээ тойруулж тодотгоно.
Үсээ ороож задгайлаад
Өндөр өсгийтэй гутлаа өмсөнө
Цагаан царайндаа тааруулж би
Цайвар өнгийн алчуур зүүнэ
Богинохон платье өмсөнө
Бор цайвар тирко өмсөнө
Намрын нар гийсэн хотын гудамжаар
Намайг алхаж явахад
Замаар яваа машинтай эрчүүд
Зөрөн өнгөрөх явган залуучууд
Зөнгөөрөө намайг дагуулж харна
Зоригтой нэг нь үг өднө
Зарим нь нэг нь дагаж ирнэ
Хэзээд би энэ янзаар байна
Хэн ч намайг харсан би сайхнаараа байна