Үс минь ургаж байна
Анзаарах хүн алга
Үдэш шөнөөр эзгүйдэж
Амраг минь хааш одов
Үлдээсэн гоонь аялгууг чинь
Хөглөе гэтэл зориг дутаж
Үүдэнд орхисон шаахай чинь
Хөлд томдоод байх юм
Одоо би тамхи татдаг болсоон
Он цагтай уралдан яарахаа больсон
Олон олон өглөөг өөрийхөөрөө угтаж
Орой болно гэхээс айдаг болсон
Хэрэгтэй хэрэггүй бодлуудын дундуур
Чамайг хайн бэдрэхдээ
Хэлсэн хэлээгүй үгэнд чинь
Төөрч орхидог хэвээрээ ч
Үс минь ургаж байна
Анзаарах хүн алга.
No comments:
Post a Comment